ئێوارەی ئەمڕۆ چوارشەممە محەمەد حەلبووسی سەرۆكی پەرلەمانی عێراق رایگەیاند كە بەرنامەی كاری كابینەی حكوومەتی مستەفا كازمی سەرۆك وەزیرانی راسپێردراوی پێگەیشت.

لەمبارەیەوە نووسینگەی ڕاگەیاندنی سەرۆكی پەرلەمانی عێراق بڵاوی كردەوە كە بە پێی بڕگەكانی مادەی (43/دووەم) لە یاسای پەرلەمان، سەرۆكی پەرلەمان بڕیاری دا بە پێكهێنانی لیژنەیەك بە سەرۆكایەتی حسێن كەعبی جێگری یەكەم و ئەندامیەتی ژمارەیەك پەرلەمانتار و ڕاوێژكار بۆ لێكۆڵینەوە لە بەرنامەی كاری كابینەی پێشكەشكراو و پێشكەشكردنی راپۆرتێك لەمبارەیەوە بە پەرلەمانی عێراق.

جێی باسە ئەمڕۆ چوارشەممە كازمی لە گرتەیەكی ڤیدیۆییدا ئیمزاكردنی بەرنامەی كاری كابینەكەی بڵاو كردبووەوە.










باسنيوز