ئەندامێكی ئەنجوومەنی شارەوانیی حەویجە باس لەوە دەكات، تیرۆریستانی داعش لە سنووری قەزای "حەویجە"ی سەر بە کەرکووک خۆیان رێك خستووەتەوە و زیاتر لە 500 چەكداریان لەو سنوورەیە.

ئەحمەد خورشید، ئەندامی ئەنجوومەنی شارەوانیی حەویجە لە سنووری پاێزگای كەركوك، راگەیاند: "كردەوە تیرۆریستییەكانی داعش لە سنووری پارێزگای كەركوك بەردەوامن و زانیاریمان هەیە كە داعش لە سنووری حەویجەوە خۆی رێك خستووەتەوە."

گوتیشی: "پێشتریش حەویجە شوێنی خۆڕێكخستەوەی تیرۆیستانی داعش بووە، چونكە ناوچەیەكی زۆر لەبارە بۆ تەشەنەکردن و خۆحەشاردانیان."

بە گوتەی ئەو ئەندامەی ئەنجوومەنی شارەوانیی حەویجە، مەزندە دەكرێ ئەو چەكدارانەی داعش كە لە سنووری حەویجەن، زیاتر لە 500 چەكدار بن.







باسنیوز