سەرۆک وەزیرانی راسپێردراوی عێراق دوو کاندیدی وەزارەتەکانی کابینەی نوێی حکوومەت، دەگۆڕێت.

پێشتر میدیا عێراقییەکان لیستێکیان بڵاو کردەوە و رایانگەیاند، مستەفا کازمیی سەرۆک وەزیرانی راسپێردراوی عێراق کاندیدی زۆرینەی وەزارەتەکانی دیاری کردووە.

ئەمڕۆ شەممە 25-4-2020، گاتع نەجمان رکابی، پەرلەمانتاری دەوڵەتی یاسا بە رۆژنامەی (سەباح)ی فەرمیی عێراقی راگەیاندووە، مستەفا کازمی رازی بووە بە داواکاریی لایەنە شیعەکان بە گۆڕینی کاندیدی ژمارەیەک وەزارەت بەتایبەت هەردوو وەزارەتی دەرەوەی و لاوان.

گاتع رکابی پێی وایە لەم هەفتەیەدا پەرلەمانی عێراق کۆ دەبێتەوە و دەنگ بە کابینەی نوێی حکوومەتی عێراق دەدات، کە پێشبینی دەکرێ متمانە بە 15 وەزیر بدرێ.

ناوی کاندیدی وەزارەتەکان، کە میدیا عێراقییەکان پێشتر بڵاویان کردبووەوە:

ناوی وەزیرەکان (پشکی کورد):

- فوئاد حوسێن، و وەزیری دارایی (لە پۆستەکەی دەمینێتەوە)

- خالید شوانی یان رزگار محەمەد ئەمین، وەزیری داد

- رێزان محەمەد، وەزیری شارەوانی

- بەرگری، دواخراوە

- ناوخۆ، دواخراوە

- لاوان، دواخراوە

- کۆچ، دواخراوە

- پیشەسازی، دواخراوە

- حارس محەمەد حەسەن، وەزیری دەرەوە

- نزار قەحتان حەسەن جەبر، وەزیری کارەبا

- عەلا مەحمود حوسێن، وەزیری گواستنەوە

- عەبدولجەبار لعێبی، وەزیری نەوت (لە پۆستەکەیدا دەمێنێتەوە)

- کازم هێلان سەهلانی، وەزیری کار

- ئیبراهیم بەحرلعلوم، وەزیری خوێندنی باڵا

- جاسم محەمەد ئەسەدی، وەزیری سەرچاوە ئاوییەکان

- حەسەن شەمسەدین خەتیب، وەزیری پەیوەندییەکان

- هیشام ساڵح داود، وەزیری رۆشنبیری

- جەعفەر عەللاوی، وەزیری تەندروستی (لە پۆستەکەی دەمێنێتەوە)

- محەمەد شیاع سودانی، وەزیری کشتوکاڵ

- خالید بەتال، وەزیری پلاندانان

- ماهیر حەماد، وەزیری بازرگانی

- موزاحیم خەیات یان فەلاح حەمودی ئەحمەد، وەزیری پەروەردە









|باسنيوز