سەرۆک وەزیران و سەرکۆماری عێراق بە بڕیارێکی تایبەت زیندانیکراوێک ئازاد دەکەن، کە سووکایەتیی بە کەسایەتییەکی عێراق کردبوو.

لە مانگی 2ـی 2020، هاووڵاتییەک بەناوی کازم عەبیس عەبد لە شاری بابل بە تۆمەتی سووکایەتیکردن بە ئایەتوڵڵا عەلی سیستانی، مەرجەعی باڵای شیعەکانی عێراق، دەستگیر کرا و بڕیاری زیندانیکردنی درا.

دوای داوای ئایەتوڵڵا عەلی سیستانی بە ئازادکردنی ئەوکەسە، عادل عەبدولمەهدیی سەرۆک وەزیرانی کاربەڕێکەری عێراق بە نووسراوێک داوای لە سەرکۆمار کرد مەرسومێک بۆ ئازادکردنی کازم عەبیس عەبد، دەربکات.

بەرهەم ساڵحی سەرکۆمار دوای داواکەی عەبدولمەهدی، مەرسومێکی کۆماری بۆ ئازادکردنی کازم عەبیس عەبد دەرکرد.












باسنيوز