کۆماری میللیی چین 18 تۆن هاوکاریی پزیشکی بۆ عێراق دەنێرێت.

ئەمڕۆ شەممە 18-4-2020، حەسەن کەعبی، جێگری سەرۆکی پەرلەمانی عێراق و سەرۆکی لێژنەی بەرەنگاربوونەوەی پەتای کۆرۆنا لە پەرلەمانی عێراق رایگەیاندووە، چەند فڕۆکەیەکی هێڵی ئاسمانیی عێراقی لە چینەوە هاوکارییە پزیشکییەکە دەگەیەننە فڕۆکەخانەی بەغدا.

حەسەن کەعبی، کە لێدوانی بۆ میدیا عێراقییەکان داوە، ئاماژەی بەوەش کردووە، ئەو هاوکارییە، کە خۆی لە 18 تۆن کەلوپەلی پزیشکی دەبینێتەوە، تایبەتە بە بەرەنگاربوونەوە و رێگریکردن لە زیاتر بڵاوبوونەوەی پەتای کۆرۆنا لە عێراق.

پێشتریش چین چەند بارێکی تایبەت بە بەرەنگاربوونەوەی بڵاوبوونەوەی پەتای کۆرۆنای بۆ عێراق و هەرێمی کوردستان ناردبوو.





باسنيوز