فەرماندەیی ئۆپەراسیۆنە هاوبەشەکانی سوپای عێراق بەیاننامەیەک لەبارەی بۆردومانی فڕۆکە جەنگییەکانی تورکیا بۆ سەر سنووری شارۆچکەی مەخموور، دەردەکات.

لە بەیاننامەکەدا، کە ئەمڕۆ پێنجشەممە 16-4-2020 دەری کردووە، فەرماندەیی ئۆپەراسیۆنە هاوبەشەکانی سوپای عێراق سەرکۆنەی ئەو بۆردومانە دەکات و بە ”پێشێلکردنی سەروەریی عێراق“ هەژماری دەکات.

فەرماندەیی ئۆپەراسیۆنە هاوبەشەکانی سوپای عێراق داوا لە سوپای تورکیا دەکات ئەو بۆردومانانە، کە ماوە ماو دەیانکاتە سەر شنگال، مەخموور و قەندیل، رابگرێت.

هەروەک لە بەیاننامەکەدا هاتووە، ئەو بۆردومانانە لەگەڵ بنەماکانی دراوسێیەتیی باش و رێککەوتنە نێودەوڵەتییەکان یەک ناگرێتەوە.

ئێوارەی رۆژی چوارشەممە 15-4-2020، فڕۆکە جەنگییەکانی تورکیا بنکە و بارەگاکانی پارتی کرێکارانی کوردستان (پەکەکە)یان لە ناو کەمپی ئاوارەکانی باکووری کوردستان لە کەمپی مەخموور، بۆردومان کرد.











باسنيوز