وەزارەتی تەندروستیی عێراق ئاماری 24 کاژێری رابردووی کۆرۆنای بڵاوکردەوە و کە 22 کەسی دیکە تووشی کۆرۆنا بوون و هیچ کەسێکیش گیانی لەدەستنەداوە.

وەزارەتی تەندروستیی عێراق لە راگەیێندراوێکدا رایگەیاند، "22 کەس تووشی ڤایرۆسی کۆرۆنا بوون و 49 تووشبوو چاکبوونەتەوە و هیچ کەسێک گیانی لەدەست نەداوە".

ژمارەی تووشبووەکان بەگوێرەی پارێزگاکان بەمشێوەیە دیاریکراون:

بەغدا: پێنج تووشبوو

سلێمانی: یەک (پێشتر وەزارەتی تەندروستیی هەرێمی کوردستان رایگەیاندبوو)

واست: دوو تووشبوو

کەرکووک: دوو تووشبوو

بەسرە: یەک تووشبوو

بابل: دوو تووشبوو

دیوانییە: یەک تووشبوو

هاوکات لە راگەیێندراوەکەدا ئاماژە بە ژمارەی چاکبووەوەکان کراوە، کە 49 کەسن بەمشێوەیەیە:

بەغدا: هەشت کەس

نەجەف: سێ کەس

سلێمانی: چوار کەس (پێشتر وەزارەتی تەندروستیی هەرێمی کوردستان رایگەیاندبوو)

هەولێر: 22 کەس (پێشتر وەزارەتی تەندروستیی هەرێمی کوردستان رایگەیاندبوو)

کەربەلا: دوو کەس

بەسرە: حەوت کەس

بابل: یەک کەس

ئەنبار: یەک کەس

موسەننا: یەک کەس

تاوەکو ئێستا لە عێراق و هەرێمی کوردستان هەزار و 400 کەس تووشی ڤایرۆسی کۆرۆنا بوون، لەو ژمارەیە 766 تووشبوویان چاکبوونەتەوە و 78 تووشبوویش بەو هۆیەوە گیانیان لەدەستداوە.










رووداو