ئەندامێكی هاوپەیمانی فەتح بە سەركردایەتی هادی عامری رایگەیاند، عەدنان زورفی، راسپێردراو بۆ پێكهێنانی كابینەی نوێی حكومەتی عێراق لەو ئەركە دەكشێتەوە و بە ئامادەبوونی كوتلەكانی كورد و سوننە، سبەی راسپاردنی كازمی رادەگەیەندرێت.

لەم بارەیەوە عامر فایز، پەرلەمانتاری فەتح لە ئەنجوومەنی نوێنەرانی عێراق رایگەیاند، ئەو بڕیارەی زورفی دوای ئەوە هاتووە، كە هێزە شیعەكان مستەفا كازمی، سەرۆكی دەزگای هەواڵگرییان بۆ پۆستی سەرۆكایەتی ئەنجوومەنی وەزیران لە شوێنی عەدنان زورفی كاندید كردووە و لەلایەن هێزە كوردی و سوننەكانیشەوە پشتیوانی لێ كراوە.

لەلایەكی دیكەوە سەرچاوەیەك لە ئیئتیلافی نەسر كە زورفی بۆ ئەو پۆستە كاندیدی ئەوانە، ئەو هەواڵەی رەتكردەوە و دووپاتی كردەوە، "راسپاردنی زورفی بووەتە ئەمری واقع و چاوەڕی دەكەن ئەنجوومەنی نوێنەران كاتی دانیشتنی پێدانی متمانە بە حكومەتەكەی دیاری بكات".










K24