وەزارەتی تەندروستیی عێراق ٤١ حاڵەتی تازەی تووشبوونی کۆرۆنا و گیان لەدەستدانی دوو کەسی دیکەی راگەیاند.

ئەمڕۆ یەکشەممە ٢٩ی ئاداری ٢٠٢٠، وەزارەتی تەندروستی و ژینگەی عێراق، ڕاگەیاندراوێکی بڵاو کردەوە و تێیدا ئاشکرای کرد کە ٤١ حاڵەتی تازەی تووشبوون بە کۆرۆنا هەن و بەم شێوەیە دابەش بوون:

- بەغدا: لە کەرتی رەسافە حەوت حاڵەت

- بەغدا: لە شاری پزیشکی یەک حاڵەت

- بەسڕە: هەشت حاڵەت.

- نەجەف: پێنج حاڵەت.

- کەربەلا: ١١ حاڵەت.

هەر بەپێی راگەیاندراوەکە، حاڵەتەکانی هەرێمی کوردستانیش بەم شێوەیەن:

- سلێمانی: یەک حاڵەت.

- هەولێر: هەشت حاڵەت.

هاوکات وەزارەتی تەندروستیی عێراق رای گەیاندووە کە هیچ حاڵەتێکی گیان لەدەستدان لە ٢٤ کاتژمێری رابردوودا تۆمار نەکراوە. ١٢ حاڵەتی چاکبوونەوەش هەن کە بەم شێوەیە دابەش بوون:

- بەغدا: لە کەرتی رەسافە یەک حاڵەت.

-دیوانیە: یەک حاڵەت

- سلێمانی: حەوت حاڵەت

- دهۆک: سێ حاڵەت

وەزارەتی تەندروستیی عێراق ئاماژەی بەوە داوە کە ئێستا سەرجەمی تووشبوانی کۆرۆنا ٥٤٧ حاڵەتە و تائێستا ٤٢ کەس بەم هۆیەوە گیانیان لەدەست داوە و سەرجەمی ئەوانەشی کە چاکبوونەتەوە ١٤٣ کەسن.











باسنيوز