وەزارەتی تەندروستیی عێراق هەشت بڕیار بۆ رووبەڕووبوونەوە و رێگرتن لە بڵاوبوونەوەی ڤایرۆسی کۆرۆنا، دەردەکات.

بڕیارەکانی وەزارەتی تەندروستی:

- قەدەغەکردنی هاتوچۆ و راگەیاندنی پشووی فەرمی لە بەغدا لە کاتژمێر 11ـی شەوی سێشەممە 17-3-2020 تا کاتژمێر 11ـی شەوی دووشەممە 23-3-2020.

- پاک کردنەوە و رشاندنی شوێنە گشتییەکان لە بەغدا و شارەکانی دیکە و گەڕانی تیمە تەندروستییەکان.

- پێدانی دەسەڵاتی قەدەغەکردنی هاتوچۆ بە پارێزگارەکان لە پارێزگاکانیان.

- راگرتنی هەموو گەشتە ئاسمانییەکان لە رۆژی سێشەممە 17-3-2020 بۆ ماوەی یەک هەفتە.

- وەزارەتی پەیوەندییەکان بڕی ئینتەرنێتی پێدراو بە هاووڵاتییان زیاد دەکات و بۆ ماوەی یەک مانگیش نرخەکان دادەبەزێنێ و ئەگەری درێژکردنەوەی ئەو مانگەش هەیە.

- هاتوچۆ لەنێوان پارێزگاکان قەدەغە دەکرێت.

- دەبێهاووڵاتییان پابەند بن بە رێنماییە تەندروستییەکان و لە ماڵەکانیان دەرنەچن.

- لایەنە پەیوەندیدارەکان ئەو بڕیارانەی سەرەوە جێبەجێ دەکەن.

بەپێی دوایین ئامار، تا ئێستا 124 کەس لە عێراق و هەرێمی کوردستان تووشی ڤایرۆسی کۆرۆنا بوون و لەو ژمارەیەشدا، 10 کەس گیانیان لەدەست داوە و 26 کەسیش چاک بوونەتەوە.





باسنیوز