جۆناسان هۆڤمان، گوتەبێژی وەزارەتی بەرگری ئەمەریکا رایگەیاند، لە هێرشە مووشەکییەکەی دوێنێ سەر سەربازگەی تاجی باکووری بەغدا، سێ سەربازی ئەمەریکا برینداربوون، برینی دووانیان سەختە.

هۆڤمان هەڕەشەی وەڵامدانەوەی توندی هێرشەکەی لە گرووپە چەکدارەکان کرد.

گوتەبێژەکەی پنتاگۆن، ئاماژەی بۆ ئەوەشکرد، هێزەکانی عێراق چەند گومانلێکراوێکییان دەستگیرکردووە.

دوێنێ، لە رێگەی 33 مووشەکی کاتیۆشاوە هێرشکرایە سەر سەربازگەی تاجی، ئەمەش دووەم هێرشی مووشەکییە لە ماوەی هەفتەیەکدا. جاری یەكەم پێنجشەممەی رابردوو دوو سەربازی ئەمەریكی و بەریتانی كوژران.







K24