سوپای ئەمریکا لە سەربازگەی تاجی لە باکووری بەغدای پایتەختی عێراق، مووشەکباران کرایەوە.

بەپێی هەواڵی میدیا عێراقییەکان، ئەمڕۆ شەممە 14-3-2020، 12 مووشەک لە سەربازگەی تاجی کەوتوونەتە خوارەوە.

درەنگانی شەوی چوارشەممە 11-3-2020، بە 18 مووشەک سەربازانی سوپای ئەمریکا و بەریتانیا لە سەربازگەی تاجی لە باکووری بەغدا کرانە ئامانج و بەهۆیەوە دوو سەربازی ئەمریکی و سەربازێکی بەریتانی کوژران، جگە لە برینداربوونی 12 سەربازی دیکە.

دوای ئەو هێرشە مووشەکییە بۆ سەر سەربازگەی تاجی، فڕۆکە جەنگییەکانی ئەمریکا لە بەرەبەیانی رۆژی هەینی 13-3-2020، چەندین بارەگای میلیشیاکانی حەشدی شەعبییان بۆردومان کرد.







باسنیوز