چەند کەتیبەیەکی نێو میلیشیاکانی حەشدی شەعبی بە چڕی لە لایەن فڕۆکەی جەنگییەوە کە تا ئێستا نازاندرێت فڕۆکەی کام وڵات بوون، بۆردومان کراون.

میدیاکانی عێراق بڵاویان کردەوە، شەوی ڕابردوو و بە ماوەیەکی کەم پاش ئەو هێرشە مووشەکییەی کرایە سەر سەربازگەی تاجی لە بەغدا، بۆردومانێکی چڕی میلیشیاکانی حەشدی شەعبی لە ناوچەکانی سەر سنووری نێوان عێراق و سووریا لە پارێزگای ئەنبار کراوە.

ئەوەش ئاشکرا کراوە کە لە ئەنجامی هێرشەکەدا هەریەک لە کەتیبەکانی (حزبوڵا، نوجەبا، سەید الشهداء و لیوای حەیدەریون) بە چڕی بۆردومان کراون.
بەشێک لە میلیشیاکانی عێراق ئاماژە بەوە دەدەن کە بۆردومانەکە لە لایەن فڕۆکەی جەنگیی هاوپەیمانانەوە ئەنجام دراوە و بەهۆیەوە لانی کەم، ١٨ چەکداری میلیشیاکان کوژراون.










باسنيوز