تووشبووكی ڤایرۆسی کۆرۆنا لە بەسرەی باشووری عێراق، لە نەخۆشخانە گیانی لەدەست دا.

دوای نیوەڕۆی ئەمڕۆ ئەمڕۆ دووشەممە 9-3-2020، ئەسعەد عیدانی، پارێزگاری بەسرە بە میدیاکانی وڵاتەکەی راگەیاندووە، کەسێک، کە هەڵگری ڤایرۆسی کۆرۆنا بوو، لە نەخۆشخانەی سەدر لە بەسرە، گیانی لەدەست دا.

ئەسعەد عیدانی هەروەها رایگەیاندووە، هەموو کارمەندانی نەخۆشخانەکە، ئەوانەی لە بەشی چاودێریکردنی ئەو تووشبووە بوون، کەرەنتینە دەکرێن.

بەپێی دوایین ئامار، 53 کەس لە عێراق تووشی ڤایرۆسی کۆرۆنا بوون و لەناو ئەو ژمارەیەشدا، حەوت کەس گیانیان لەدەست داوە.










باسنيوز