وەزارەتی تەندروستیی عێراق سێ تووشبووی دیکەی بە ڤایرۆسی کۆرۆنا راگەیاند کە دوانیان لە کەرکووک و یەکێکیان لە پارێزگای واستە.

پێشتر 37 کەس لە عێراق و هەرێمی کوردستان تووشی ڤایرۆسی کۆرۆنا بووبوون، بە راگەیاندنی سێ تووشبووی دیکە ئێستا ژمارەی تووشبووان گەیشتووەتە 40 کەس؛ لەو ژمارەیەش هەشت تووشبوویان لە پارێزگای سلێمانی بوون.

ئەو کەسانەی کە لە عێراق و هەرێمی کوردستان بەهۆی ڤایرۆسی کۆرۆناوە گیانیان لەدەستداوە تاوەکو ئێستا سێ کەسن، دوانیان لە شاری بەغدا و یەکێکیان لە شاری سلێمانی بوون.