فەرماندەیەکی باڵای وەزارەتی ناوخۆی عێراقی لە باکووری بەغدای پایتەختی وڵاتەکە، کوژرا.

ئەمڕۆ یەکشەممە 1-3-2020 میدیا عێراقییەکان بڵاویان کردووەتەوە، کە چەکدارانی نەناسراو لە شارۆچکەی میقدادیە لە سنووری پارێزگای دیالە، دەستڕێژی گوللەیان لە فەرماندەیەکی عێراقی بە پلەی عەقید کردووە.

فەرماندە عێراقییەکە سەر بە هێزی پاراستنی دامەزراوەکان بووە لە وەزارەتی ناوخۆ و لەسەر رێگای چوونی بۆ سەر کارەکەی،کەوتووەتە بەر دەستڕێی چەکدارەکان و کوژراوە.

بەهۆی ناکارایی هێزە ئەمنی و سەربازییەکانی عێراق، دەیان گرووپ و میلیشیای چەکداریی توندڕەو، تاوانکاری و تیرۆریستی لە بەغدا و شارەکانی دیکەی ئەو وڵاتە بڵاو بوونەتەوە، کە بە ئارەزووی خۆیان و بەپێی بەرژەوەندیی ئەو لایەنەی کاری بۆ دەکەن، کردەی تاوانکاری و تیرۆریستی ئەنجام دەدەن.




باسنیوز