تەندروستیی عێراق: پێنج کەسی دیکە تووشی کۆرۆنا بوون
لە راگەیێنراوەکەدا هاتووە، ئەو تووشبووانە چواریان خەڵکی بەغدان کە سیانیان لە کەرخن و یەکیان لە رەسافە و تووشبووەکەی دیکەیش خەڵکی بابلە.
وەزارەتی تەندروستیی عێراق باسی لەوە کردووە، ئەو کەسانە لەلایەن کارمەندانی وەزارەتەکەیانەوە چاودێری کراون، نموونەیان بۆ پشکنینی تاقیگە لێوەرگیراوە و ئەنجامەکانیان ئەرێنی بووە. ئێستا لەژێر چاودێرییدان.
بەم پێنج تووشبووەوە ژمارەی تووشبووان بە ڤایرۆسی کۆرۆنا لە عێراق گەیشتە 13 کەس.
تاوەکو ئێستا لە سەرانسەری جیهاندا 85 هەزار و 688 کەس تووشی ڤایرۆسی کۆرۆنا بوون، 39 هەزار و 761 کەسیان چاک بوونەتەوە و دوو هەزار و 933 کەسیشیان بەو هۆیەوە گیانیان لەدەستداوە.
