لە خۆپیشاندانێکدا ژنانی نەجەف، جەخت لەسەر بەشداربوونیان لە ناڕەزایەتییەکانی دژ بە حکومەت دەکەنەوە.

خۆپیشاندانی خەڵکی عێراق لە بەغدا و چەند شارێکی دیکە بەردەوامە و لە نەجەف، ژنانی شارەکە خۆپیشاندانیان ئەنجامدا و جەختییان لەسەر بەشداربوون لە ناڕەزایەتییەکانی دژ بە حکومەت و سووربوون لەسەر داواکارییەکانیان بۆ چاکسازی سیاسی کردەوە.

لە خۆپیشاندانەکەدا، مامۆستایانی زانکۆ، خوێندکاران و ژنانی ماڵەوە بەشدارییان کرد و بە رێڕۆیشتن بۆماوەی کیلۆمەترێک دەستیپێکرد و لە گۆڕەپانی خۆپیشاندان لە نزیک باڵەخانەی ئەنجوومەنی پارێزگای نەجەف گردبوونەوە.

ئەم خۆپیشاندانە وەک وەڵامێکە بۆ داواکەی موقتەدا سەدر، رێبەری رەوتی سەدر، کە داوای کردبوو، ژنان و پیاوان لە کاتی خۆپیشاندانەکاندا تێکەڵاو نەبن.




K24