کچانی شاری بەغدا دەستیان بەسەر گۆڕەپانی تەحریر لە ناوەڕاستی شارەکەدا گرت.

ئەمڕۆ پێنجشەممە 13-2-2020، ژمارەیەکی زۆری کچ و ژنانی بەغدا چوونە پاڵ خۆپیشاندەرانی گۆڕەپانی تەحریر و پشتگیریی خۆیان بۆ خۆپیشاندەران دەربڕی.

خۆپیشاندانەکان لە رۆژی 1-10-2019ـەوە لە بەغدا و زۆربەی شارەکانی عێراق دژی گەندەڵی و نەبوونی خزمەتگوزارییە سەرەتاییەکانی ئاوی خواردنەوە و کارەبا و بێکاریی گەنجان، دەستیان پێکرد.

بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 600 هاووڵاتی و کارمەندی ئەمنی گیانیان لەدەست داوە و زیاتر لە 16 هەزاری دیکەش بریندار بوون، جگە لە کەمئەندامبوونی 700 کەس و ژمارەکانیش بەردەوام لە بەرزبوونەوە دان.










باسنيوز