رۆژنامەی وال ستریت ژورنالی ئەمەریكا، لەسەر زاری دوو سەرچاوەی ئەمەریكی و عێراقی ئاشكرای كردووە كە ئەمەریكا بۆ پێنجەمین جار مۆڵەتی رێگەپێدانی كڕینی گازی ئێران بۆ عێراق درێژ دەكاتەوە.

ئاماژەی بەوەشكردووە، مەرجی ئەمەریكا بۆ عێراق ئەوەیە، كە پارەی كڕینی گاز لە ئێران لە ھەژمارێكی تایبەتی بانكی دابنێت، بۆ ئەوەی ئێران تەنیا بتوانێ بۆ پێداویستی مرۆیی بەكاری بھێنێت.

بەپێی رێككەوتنی ھەردوولا عێراق دەتوانێ رۆژانە 50 ملیۆن مەتر سێ جا گاز لە ئێران ھاوردە بكات، بەڵام ئێستا تەنیا نیوەی ئەو رێژەیە بۆ بەرھەمھێنانی كارەبا بەكار دەھێنێت.



K24