فەرماندەیی ئۆپەراسیۆنەکانی نەینەوا روونکردنەوە لەبارەی هاتنی دوو هەزار چەکداری رێکخراوی تیرۆریستی داعش بۆ سنووری پارێزگای نەینەوا، دەدات.

ئەمڕۆ چوارشەممە 5-2-2020، لیوا روکن نومان زەوبەعی، فەرماندەی ئۆپەراسیۆنەکانی نەینەوا لە بەیاننامەیەکدا رایگەیاندووە، هێڵی سنووریی نێوان عێراق و سووریا بە تەواوی پارێزراوە و هێزە عێراقییەکان بۆ هەر ئەگەرێک ئامادەن.

لیوا روکن نەومان زەوبەعی رەتی کردووەتەوە ئەو دەنگۆیانە راست بن، کە باس لە هاتنی دوو هەزار چەکداری داعش لە سووریاوە بۆ سنووری نەینەوا دەکەن و رایگەیاندووە، ئۆپەراسیۆنەکانی سوپا و هێزە عێراقییەکان بۆ رێگرتن لە دزەکردنی چەکدارانی داعش بەردەوامە.

پێشتریش لە مانگی 6ـی 2014، نزیکەی دوو هەزار چەکداری رێکخراوی تیرۆریستی داعش هێرشیان کردە سەر شاری مووسڵ و لە ماوەی چەند رۆژێکدا، هەرەسیان بە سوپای عێراق هێنا و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.












باسنيوز