سەرۆکی هاوپەیمانی نەسر رایگەیاند، داوا لە سەرۆک کۆماری عێراق دەکەن کەسایەتییەک کە جێگەی خواستی خۆپیشاندەران بێت بۆ سەرۆکایەتی حکومەت رابسپێرێت، دەشڵێت "پێویستە کاندیدی سەرۆک وەزیران سەرکردە بێت نەک سەر بەلایەنێک بێت".

عەدنان زرفی، سەرۆکی هاوپەیمانی نەسر لە پەرلەمانی عێراق (43 کورسی) لە راگەیەندراوێکدا کە ئاڕاستەی سەرۆک کۆماری عێراقی کردوە رونیکردوەتەوە، خۆپیشاندانەکانی چەند مانگی رابردو بنەمای رێککەوتنی لایەن و پێکهاتەکانی تێکشکاندوە و پێویست دەکات لە راسپاردنی کەسایەتییەک کە جێگەی رەزامەندی شەقام بێت پاشەکشە نەکرێت.



خەندان