ئەنجوومەنی نوێنەرانی ئەمریکا دەنگ بە پرۆژەیاسایەک بۆ کۆتاییهێنان بە شەڕی سوپای وڵاتەکەیان لە عێراق، دەدات.


بڕیارە ئەمڕۆ پێنجشەممە 30-1-2020، ئەنجوومەنی نوێنەرانی ئەمریکا (سینات) دەنگ بە پرۆژەیاسای کۆتاییهێنان بە کردە سەربازییەکانی سوپای ئەمریکا لە عێراق، بهێنێت.

یاسای بەکارهێنانی هێز لە عێراق لە ساڵی 2002 لە ئەنجوومەنی نوێنەرانی ئەمریکا پەسەند کرا و بەهۆیەوە سوپای ئەمریکا شەڕی دژی رژێمی بەعس راگەیاند و ئەو رژێمەی رووخاند.

دۆناڵد ترەمپی سەرۆکی ئەمریکا لە هەژماری تایبەتیی خۆی لە تۆڕی کۆمەڵایەتیی (تویتەر) داوای لە سیناتۆرەکان کردووە لە دڵەوە دەنگ بەو یاسایە بدەن و وڵاتەکەشی ژمارەی سەربازەکانی لە عێراق بۆ پێنج هەزارسەرباز، کەم دەکاتەوە.

لە مانگی ئاداری 2003، سوپای ئەمریکا گەیشتە ناو عێراق و لە ماوەی چەند رۆژێکدا، رژێمی بەعسی رووخاند و لە نەتەوە یەکگرتووەکانیش خۆی وەک داگیرکەر ناساند.







باسنيوز