زیاتر لە ١٠ ساڵە، ژمارەیەک پۆست لە حکوومەتی عێراقدا بە وەکالەت بەڕێوە دەبرێن و بەهۆی کێشە سیاسییەکانی وڵاتەکەشەوە، پەرلەمان تائێستا نەیتوانیوە ئەم پرسە چارەسەر بکات.

رێبواری هادی، ئەندامی فراکسیۆنی پارتی دیموكراتی كوردستان له‌ ئەنجوومەنی نوێنه‌رانی عێراق رایگەیاند: "به‌پێی یاسا، ڕۆژی 24\10\2019 دوایین ڕۆژ بوو كه‌ دەبووایە په‌رله‌مان ناوی بریكاره‌كان پەسەند بکات کە به‌شێكیان پۆستی كورد و سوننه‌ و لایه‌نه‌كانی دیكه‌ن“.

ڕوونیشی کردەوە کە به‌هۆی ئه‌م دۆخه‌ی له‌ عێراقدا هەبووە، زیاتر لە 10 ساڵه‌ ئه‌و پۆستانه‌ به ‌وه‌كاله‌ت بەڕێوە دەبرێن و له‌ سه‌رده‌می حکوومەتی هەریەک لە نووری مالیكی و حەیدەر عه‌بادیدا، له ‌به‌رژه‌وه‌ندیی خۆیان پۆستەکانیان پڕکردووەتەوە.

ئەو ئەندامە کوردەی پەرلەمانی عێراق پێیوایە کە خۆپیشاندانەکانی عێراق و یەکلا نەبوونەوەی بابەتی دانانی سەرۆک وەزیرانێکی تازە بۆ عێراق، وایانکردووە کە کورد تەواوی پشکە شایستەکانی خۆی لە کابینەی تازەی حکوومەتی عێراق پێ نەدرێت.












باسنیوز