ئەمڕۆ پێنجشەممە دوای ئەنجامدانی نەشتەرگەرییەك بۆ عەلی سیستانی مەرجەعی شیعەكانی عێراق، كە بە هۆی شكانی ئێسكی ڕانیەوە بوو، باڵوێزخانەی ئەمریكا لە بەغدا هەواڵی سەركەوتنی نەشتەرگەرییەكەی بڵاوكردەوە و بە هەواڵێكی خۆش وەسفی كرد.

باڵوێزخانەی ئەمریكا لە بەیاننامەیەكدا رایگەیاند كە بە خۆشییەكی زۆرەوە هەواڵی سەركەوتنی نەشتەرگەریی سیستانییان بیستووە و هەروەها نووسیویەتی "سیستانی رۆڵی بەدیهێنانی سەقامگیرییەكی بەردەوام دەگێڕێت، مایەی ئارامیی عێراق و ناوچەكەیە".

جێی باسە دوێنێ شەو سیستانی رانێكی قاچی چەپی شكا و ئەمڕۆ تیمێكی پزیشكانی عێراقی لە نەخۆشخانەی "كەفیل" لە كەربەلا نەشتەرگەرییەكی سەركەوتوویان بۆ ئەنجام دا.











باسنيوز