زیاتر لە 40 خۆپیشاندەری واست لە باشووری عێراق، بریندار بوون.

ئەمڕۆ یەکشەممە 12-1-2020، هاووڵاتییای واست لە نزیک زانکۆی شارەکە دەستیان بە خۆپیشاندان کردەوە و هێزە ئەمنییەکان رووبەڕوویان بوونەوە.

بەهۆی بەکارهێنانی توندوتیژی دژی خۆپیشاندەران، لانی کەم 40 خۆپیشاندەر بریندار بوون و بەپێی هەواڵی میدیا عێراقییەکانیش، ئەگەری زیادبوونی ژمارەی قوربانییان هەیە.

خۆپیشاندانەکان لە رۆژی 1-10-2019ـەوە لە بەغدا و زۆربەی شارەکانی عێراق دژی گەندەڵی و نەبوونی خزمەتگوزاری، دەستیان پێ کرد.

بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 600 هاووڵاتی و کارمەندی ئەمنی گیانیان لەدەست داوە و زیاتر لە 16 هەزاری دیکەش بریندار بوون، جگە لە کەمئەندامبوونی 700 کەس و ژمارەکانیش بەردەوام لە بەرزبوونەوە دان.











باسنيوز