ئەمڕۆ لە تۆڕە كۆمەڵایەتییەكان دەنگۆی ئەوە بڵاوبوویەوە كە گوایە خانمە هونەرمەند (چۆپی فەتاح) بەهۆی ڕووداوی هاتووچۆ قۆڵی شكاوە .

بەم هۆیەوە چۆپی فەتاح لە ڵاپەڕەی تایبەتی خۆی لە تۆڕی كۆمەڵایەتی ئەنستگرام كورتە ڤیدیۆیەكی بڵاوكردەوە كە تێیدا باس لە ڕووداوەكە دەكات .

لەم بارەیەوە چۆپی ئاماژەی بەوەدا كە ئێستا باری تەندرووستی جێگیرەو بارودۆخەكە بەو شێوەیە نەبووە كە لە پەیج و تۆڕە كۆمەڵایەتییەكان باسی لێوە دەكرا, هەروەها زیاتر گوتی كە خۆی و چەند خزمێكی لەناو ئۆمبێڵێكدا دەبن و دوای سەردانی كردنیان بۆ شوێنی كارەكەی دەگەڕێنەوە ماڵەوە, بەڵام لە ڕێگادا بەهۆی ئۆتۆمبێڵێك كە زۆر خێرا لە شەقامەكەدا دەڕۆیشت تووشی ڕووداوەكە بوون .

لەبارەی ڕەوشی تەندرووستییەوە, چۆپی ڕایگەیاند كە ئەو ئێستا باشەو قۆڵی نەشكاوە, ڕووداوەكەیش بەهۆی ئۆتۆمبێلێكەوە بووە كە دوای ئەوەی كۆنتڕۆڵی لەدەستدا خۆی لە پشتەوەی ئەو ئۆتۆمبێلە دەدات كە چۆپی فەتاح و كەسە نزیكەكانی تێدابوون .