نڤیسەرەكی ئێزدی ب ناڤێ ‌(مەیسەر ئەدانی) پەرتوكەكا تایبەت ل سەر پەقاندن و ژناڤبرنا مەزارگەهێن ئێزدیان بەلاڤ دكەت.

مەیسەر ئەدانی، نڤیسەرێ‌ ئێزدی راگەهاند كو: "پتر ژ 70 مەزارگەهێن ئێزدیان یێن ژلایێ‌ تیرۆرستێن داعش ڤە سالا 2014ێ‌ ل دەڤەرێن ئێزدیان هاتینە پەقاندن، دناڤ پەرتوكێدا هاتینە دیكومێنتكرن. نۆكە ب زمانێ عەرەبی هاتییە چاپ و بەلاڤكرن دێ‌ بۆ زمانێ‌ كوردی و ئینگلیزی ژی هێتە وەرگەراندن. ئەو مەزارگەهێن ئۆلا ئێزدیان یێن ژلایێ‌ داعش ڤە هاتینە پەقاندن و هەرەڤاندن هەموو هاتینە كۆمكرن دگەل ناڤێن مجێورێن مەزارگەهێ‌ وبەرێ‌ مەزارگەه بهێنە ژناڤبرن و پشتی هاتییە ژناڤبرن ژلایێ‌ داعش ڤە هەموو هاتینە دیكومێنتكرن".

ئاشكەرا كر كو: "ل باشیك و بەحزانێ‌ و شنگال و كۆمەلگەها بابیرێ پتر ژ 70 مەزارگەه و جهێن‌ ئۆلی یێن ئێزدیان ژلایێ‌ تیرۆرستێن داعش هاتینە هەرڤاندن وپەقاندن. ئەڤە ئێكەمین پەرتوكا ل سەر مەزارگەه وجهێن ئاینێ‌ دهێنە چاپ كرن و بەلاڤكرن".

basnews