سیلینا گۆمێز كار لە سەر فیلمێكی نوێی دەكات
بەپێی ئەو هەواڵانەی كەلە ڕۆژنامەی "دیدڵاين"ەوە هاتووە, لە ئێستادا سیلینا گۆمێز كار دەكات بۆ فیلمێكی سینەمایی كە (dollhouse)ناونیشانەكەیەتی, هەر لەو سەرچاوەیەوە ئەوەش هاتووە كە جۆری ئەم فیلمە ترسناكەو كۆمپانیای(stx films)تایبەت بە درووستكردنی فیلم و زنجیرە دراما كار لەسەر بەرهەمهێنانی ئەو فیلمە دەكات .
بەرپرسێك لە (stx films) ئاماژەی بەوەدا كە ئەوان بەباشیان زانیوە سیلینا گۆمێز ببێت بە پاڵەوانی ئەو فیلمە, هەروەها دوپاتیان كردەوە كە سیلینا كەسێكی شیاوە بۆ ئەو كارە سینەماییە وەكو ئەكتەرو بەرهەمهێنەر .
سیلینا وەكو ئەكتەر و بەرهەمهێنەر كاری لەچەند فیلم و زنجیرە درامایەكدا كردووە, هەروەها بەم دواییە بەرنامەیەكی تەلەڤزیۆنی درووستكرد كە تایبەت بوو بەخواردن و كاری چێشتخانە .
فیلمی(dollhouse) چیرۆكەكەی لەلایەن (مایكڵ پەیزڵی ) ساڵی پار نووسراوەتەوە, وە ئەم فیلمەی سیلینا نزیكە لە شێوەو جۆری فیلمی (بلاك سوان) كە ناتالی پۆرتمان لە ساڵی 2010 ڕۆڵی تێدا گێڕا .
