ئەمڕۆ سێشەممە لە هۆڵی بۆنه‌كانی شاری هه‌ڵه‌بجه‌، چالاکییەکانی ڕۆژی دووەمی یەكەمین دیداری شاعیر (تاهیر بەگی جاف) لەژیر دروشمی (شازادەی عەرشی عیشق) بەڕێوە چوو، كە لەلایەن بەڕێوەبەرایەتیی گشتیی ڕۆشنبیری و هونەری هەڵەبجەوە ڕێك خرابوو.

لەم بارەیەوە, په‌روێز نیازی، به‌ڕێوه‌به‌ری گشتیی ڕۆشنبیری و هونه‌ری هه‌ڵه‌بجه‌ ڕایگه‌یاند: "ئه‌مڕۆ سێشەممە ١٣/١٠/٢٠٢٠ ڕۆژی دووه‌می یه‌كه‌مین دیداری شاعیر (تاهیر به‌گی جاف) به‌ڕێوه ‌چوو، كه تێیدا چوار لێكۆڵینه‌وه‌ له‌باره‌ی ژیان و به‌رهه‌مه‌كانی ئه‌و شاعیره‌وه‌ پیشكه‌ش كران".

به‌ڕێوه‌به‌ری گشتیی ڕۆشنبیری و هونه‌ری هه‌ڵه‌بجه‌، گوتیشی: "له‌ كۆتایی بڕگه‌كانی دیداره‌كه‌دا خه‌ڵاتی ڕێزلێنانمان پێشكه‌ش به‌و لێكۆڵه‌رانه‌ كرد، كه‌ له‌ ڕۆژی یه‌كه‌م و دووه‌می دیداره‌كه‌دا به‌ لێكۆڵیینه‌وه‌كانیان له‌ یه‌كه‌مین دیدار "تاهیر به‌گی جاف"دا به‌شدار بوون".

basnews