ئەستێرەو ئەكتەری بە ئەزموونی هۆڵیوود(كلینت ئیستوود) كار لەسەر بەرهەمهێنانی فیلمێكی نوێی سینەمایی دەكات .

كلینت ئیستوودی تەمەن 90 ساڵ, هێشتا بەردەوامەو بەنیازە فیلمێكی نوێی سینەمایی بەرهەم بهێنێت, بەپێی ئەو هەواڵانەی كەلە ئێستادا لە ڕۆژنامەو میدیا جیهانییەكانەوە هاتووە, ئەم فیلمە نوێیە ناونیشانی (Cry Macho)بۆ دیاری كراوەو كلینت ئیستوود وەكو دەرهێنەر كاری لەسەر دەكات, هەروەها خۆیشی وەكو ئەكتەر لە چەند بەشێكی ئەو فیلمەدا ڕۆڵ دەگێرێت .

ناوەڕۆكی ئەم فیلمە باس لە پاڵەوانێكی پێشووی یاری ڕۆدیۆ و بەخێوكردنی ئەسپ دەكات كە بەڕێوەبەری یانەیەكی وەرزشییەو لە تیكساس دەژی, ئەم بەڕێوەبەرە كەسێك دەستنیشان دەكات بۆ ئەوەی منداڵەكەی بهێنێتەوە لای خۆی و پێی شاد بێتەوە, ئەویش بەجیاكردنەوەی لە دایكی لە وڵاتی مەكسیك .


لە ئێستادا ئەم كارە سینەماییە خراوەتە پێش كۆمپانیای (warner bros) بۆ ئەوەی كاری بەرهەمهێنانی جێبەجێ بكات, هەروەها ئەم كارە لەلایەن(N. Richard Nash)ەوە نووسراوەتەوەو باس لە چیرۆكێكی ساڵانی حەفتاكان دەكات, وە لەم فیلمەدا نیك شینك سیناریۆكەی ئامادەكردوەو بە هاوكاری كلینت ئیستوود كار لەسەر ئەم بەرهەمە سینەماییە دەكەن .