بەپێی بەدواداچوونی گۆڤاری فۆربس, ڕێزبەندی ئەو خانمە ئەكتەرانە دیاری كرا كەلە بەرامبەر كارەكانیاندا زۆرترین بڕە پارەیان بەدەستهێناوە .

لە لیستی ئەمساڵی 2020 خانمە ئەكتەرو پێشكەشكاری كۆلۆمبی (سۆفیا ڤێرگارا)ی تەمەن 48 ساڵ, بووە پێشەنگی لیستەكەو پلەی یەكەمی بەدەست هێنا, ئەویش بە كۆكردنەوەی 43 ملیۆن دۆلار لەبەرامبەر كارەكانیدا .

بەپێی ئەو هەواڵانەی لە ڕۆژنامە جیهانییەكانەوە هاتووە, سۆفیا ڤێرگارا لە بەرامبەر بەشداری كردنی لە زنجیرە درامای كۆمیدی (Modern Family) بڕی 500 هەزار دۆلاری وەرگرتووە بۆ هەر ئەڵقەیەك, هەروەها لە بەشداریكردنی لە بەرنامەی پێشبڕكێی جیهانی(America s Got Talent) وەكو ئەندامی لیژنەی هەڵسەنگاندن بڕی 10 ملیۆن دۆلاری وەرگرتووە بۆ وەرزێكی ئەو بەرنامەیە, ئەمەش جگە لە ڕێكڵام و گرێبەستە بازرگانییەكانی, كۆكراوەی پارەی وەرگیراو لە بەرامبەر تێكڕای كارەكانی سۆفیا گەیشتە 43 ملیۆن دۆلار .

هەروەها خانمە ئەستێرەی هۆڵیوود ئەنجینا جولی, بە پلەی دووەم و توانی 35.5 ملیۆن دۆلار كۆ بكاتەوە .

هەروەها ڕێزبەندی ئەستێرەو ئەكتەرەكانی دیكە بەم شێوەیەی خارەوە بوو..

گال گادۆت 31.5 ملیۆن دۆلار
مێلیسا مەككارتی 25 ملیۆن دۆلار
مێریل ستریپ 24 ملیۆن دۆلار
ئیمیلی بڵەنت 22.5 ملیۆن دۆلار
نیكۆڵ كیدمان 22 ملیۆن دۆلار
ئێلین پۆمپەیۆ 19 ملیۆن دۆلار
ئیلیزابێس مۆس 16 ملیۆن دۆلار
ڤیۆلا دێڤیس 15.5 ملۆن دۆلار