كاتێك ئەكتەرو ئەستێرە جیهانییەكان باسی دزیكرنی خۆیان ئەكەن, ئەبێتە گێڕانەوەی ڕووداوێكی خۆش بۆ ئەنجامدارەكەو شۆكێك بۆ ئەو كەسانەی كە یەكەمجارە گوێیان لەم جۆرە ڕووداوانە دەبێت .

خانمە ئەكتەری بەریتانی (میلی بۆبی براون)ی پاڵەوانی زنجیرە فیلمی (stranger things) لە نوێترین دەركەوتنیدا باسی ڕووداوێكی دزیكردنی كرد لە شوێنی وێنەگرتنی ئەو فیلمەی كە تێیدا بەشدار بوو .

لەمبارەیەوە میلی ئاماژەی بەوەدا كە لە شوێنی وێنەگرتنی فیلمەكە ماركێتێكی تایبەت بە جل و پۆشاك هەبوو, كە ئەو ماركێتە ڕاستەقینە نەبوو بەڵكو بەشێك بوو لە كارەكان و بۆ دیمەنی فیلمەكە درووست كرابوو, كاتێك میلی دەچێتە شوێنەكەو دەبینێ وەكو بازاڕێكەو هەندێك پۆشاك دانراون و شوێنەكە ڕاستەقینە نییە كە بەمەش دەرفەتێكی بۆ دەڕەخسێت و جینزێك و دوو كراس لەكەڵ خۆی ئەباتەوە, كە ئەمەش كاری یەكەم جاری نەبووە .

لە ڕووداوێكی دیكەدا لە كاتی بەشداری كردنی لە زنجیرە درامایەكدا, كە ئەوكات تەمەنی 9 ساڵ بوو شوێنەكەی بە دەست بەتاڵی جێ نەهێشت و هەڵگری ڕووناكیەكی لەگەڵ خۆی بردەوە بۆ ماڵەوە .