لە رۆژی 22-9-2020 لە هۆڵی رۆشنبیری هەولێر، رێورەسمی ناساندن و بڵاوکردنەوەی کتێبی سەمای فریشتەکان بەڕێوەچوو، کە ژمارەیەکی زۆر لەهونەرمەندان و رۆشنبیران ئامادەی ببوون.

کتێبی سەمای فریشتەکان لە نووسین و ئامادەکردنی عەبدولعەزیز مەجیدە، کتێبەکە گەڕانێكە بە نێو مێژووی سەما و هونەری میللی لە باشووری کوردستان.

نووسەر لە کتێبەدا ژیان و بەرهەمی کۆمەڵێک لە هونەرمەندانی وەکو راهێنەر و ئاوازدانەری سەمای میللی لە کوردستان خستووەتەڕوو، لەگەڵ ئەوەشدا ژمارەیەکی زۆر لە ئەرشیڤی وێنەیی و ئەو رۆژنامانەی سەردەمی کۆن گوتار و چاوپێکەوتنیان لەبارەی سەماو هەڵپەڕکێی کوردی بڵاوکراکردووەتەوە، لە کتێبەکەدا کۆی کردوونەتەوە.

هاوکات لەو رێورەسمەدا خەڵاتی رێزلێنان پێشكەش بە ژمارەیەک راهێنەری سەما و هەڵپەڕکێی هونەری میللی کرا، کە رۆڵێکی "مەزنیان" لە بەرەوپێشبردنی هونەری میللی لە کوردستان هەبووە.

لە دەستپێکی رێوڕەسمەکەدا، چەند نمایشێکی هەڵپەڕکێی کوردی پێشکەشکران، کە لەلایەن گرووپی هونەری میللیی هەولێر ئامادەکرابوون

rudaw