خانمە گۆرانیبێژو ئەستێرەی پۆپی ئەمریكی لەیدی گاگا نوێترین گۆرانی بە ناوی 911 بڵاوكردەوە .

گۆرانی "911" كە تراكێكە لە ئەلبۆمە نوێیەكەی لەیدی گاگا, بە شێوەی ڤیدیۆ كلیپ بڵاوكرايەوە, وەك هەمیشە بەشێوەیەكی جیاواز بیرۆكەی كلیپەكەی بۆ داڕێژراوەو لەیدی گاگا و ئەوانەی لەو كلیپەدا بەشدارن بە ستایڵی جیاوازەوە دەركەوتوون, بەڵام ئەوەی كە بووەتە جێی باسی میدیاو ڕۆژنامەكان ئەوەیە كە ئەم ڤیدیۆ كلیپە باس لە بەیەك بەستنەوەی خەون و ڕاستییەكان دەكات .

هەروەها لەم بارەیەوە لەیدی گاگا بەشێكی لە گۆرانییەكەی لە ئەنستگرام بڵاوكردەوە كە تەنها لە 24 كاتژمێری یەكەمیدا زیاد لە 3ملیۆن بینەری هەبوو, هەروەها لەیدی گاگا ئاماژەی بەوەدا كە ڤیدیۆ كلیپەكە لە بیرۆكەیەكەوە سەرچاوەی گرتووە كە دەگەڕێتەوە بۆ 25 ساڵ لەمەو پێش, هەروەها دەڵێت كە كلیپەكە خەون و ڕاستییەكان بەیەك دەبەستێتەوەو وەكو كورتە فیلمكە كە باس لەو كەسایەتییانە دەكات كەلە ناخماندا بوونیان هەیە, هەروەها لەیدی گاگا سوپاسگوزاری دەرهێنەری كلیپەكەی كرد بۆ ئەو پاڵپشتییەی كە توانی بیرۆكەیەكی تەمەن 25 ساڵ بكاتە ڤیدیۆ كلیپی گۆرانییەكەی .

گۆرانی 911 تراكێكە لە ئەلبۆمی(chromatica) كە لەیدی گاگا كە بەم دواییە بڵاوی كردەوە, ئەم گۆرانییە تەنها لە یەكەم ڕۆژی بڵاوكردنەوەی لە تۆڕی یوتیوب 8 ملیۆن بینەری هەبووە .