گۆرانیبێژی كورد میرا عه‌لی، نوێترین بەرهەمی گۆرانی بەشێوەی ڤیدیۆ كلیپ بڵاوكرده‌وه‌.

ئاوازدانەر (هەڵكەوت زاهیر) لە چانێڵی تایبەتی خۆی لە ماڵپەڕی یوتیوب بەرهەمەكەی میرای بڵاوكردەوە, گۆرانی(نانا) كە نوێترین گۆرانی میرایە‌,‌تێكستەكەی لەلایەن "میدیا حوسێن"ەوە نووسراوەتەوە‌، ئاوازی گۆرانییەكە لەلایەن هەڵكەوت زاهیر ئامادەكراوە, وە "ئاریۆس حه‌مه‌سه‌عید" كاری میوزیكی بۆ گۆرانییه‌كه‌ كردووه‌،هەروەها بڕیار فه‌تاح كاری ده‌رهێنانی بۆ ڤیدیۆ ئەنجامداوە‌ .

میرا عه‌لی یەكێكە لەو هونەرمەندانەی كە گۆرانییەكانی بینەرێكی زۆریان هەیە, میرا خاوه‌نی چه‌ند ئه‌لبوومێكی گۆرانی و ژماره‌یه‌ك ڤیدیۆ كلیپه‌، هەروەها چه‌ندین گۆرانی لەگەڵ هونەرمەندانی دیكە به‌شێوه‌ی دوێت بڵاوكردووه‌ته‌وه‌ .