نامۆ، گۆرانیبێژی كورد، نوێترین گۆرانیی خۆی به‌ ناوی (دڵبه‌ره‌ شیرینه‌كه‌م) بڵاو كرده‌وه‌.

نامۆ خۆی تێكستی گۆرانییه‌كه‌ی نووسیوه‌ و كاری میوزیكی بۆ گۆرانییه‌كه‌ش كردووه‌، ئه‌و گۆرانییه‌ پێشتر بڕیار بوو به‌شێوه‌ی ڤیدیۆ كلیپ بڵاو بكرێته‌وه‌، به‌ڵام ئێستا ته‌نیا به‌شێوه‌ی ده‌نگ له‌ ماڵپه‌ری ڤیدیۆیی (یوتیوب) بڵاو كراوه‌ته‌وه‌.

ئه‌و گۆرانیبێژه‌ خه‌ڵكی ڕۆژهه‌ڵاتی كوردستانه‌، خاوه‌نی ژماره‌یه‌ك گۆرانی و ڤیدیۆ كلیپه‌، كلیپه‌كانی له‌ تۆڕه‌ كۆمه‌ڵایه‌تییه‌كاندا بینه‌رێكی زۆریان هه‌یه‌، له‌ هه‌ولێر ستۆدیۆی تۆماركردنی میوزیك و گۆرانی هه‌یه‌، تێكست و ئاوازی گۆرانی بۆ گۆرانیبێژانی دیكه‌ ئاماده‌ ده‌كات.

basnews