ڕێز لە نیو سەدەی بەخشش و هونەری جەمال دیلان گیرا
لە ڕێوڕەسمەکەدا، کە بە بۆنەی خانەنشین بوونی لەلایەن کارمەندانی هۆڵی میدیا و چەند هونەرمەندێک ڕێکخرابوو، چەپکە گوڵی خۆشەویستی پێشکەش بە ساڵانی خزمەتی ناوبراو کرا..
لە کۆتایی مەڕاسیمە خنجیلانەکەشدا هونەرمەند (دلێر گەرمیانی) دوا گۆرانی پڕ لە خۆشەویستی بۆ چڕی و بە ماچەکانی خوداحافیزە لە خزمەتی ئەو هونەرمەندە کرد.
جەمال دیلان، لە وێستگەکانی ژیانی دا وەک هونەرمەندێک بەشداری لە سەدان ئاهەنگدا کردووە، هاوکات دۆستایەتیەکی فراوانی لەگەڵ هونەرمەندان دا هەیە، ئەو ساڵانەی کە لە هۆڵی میدیاش کاری کردووه، توانیوویەتی خزمەتێکی بەرچاو بە کۆڕی هونەری و شانۆ و موزیک بکات.
