دوای تەقینەوە بەهێزەكەی بەنداوی بەیروت كە ژمارەیەكی زۆری قوربانی لێكەوتەوە, خانمە هونەرمەندو گۆرانیبێژی لوبنانی (ئەلیسا)ی تەمەن 47 ساڵ, هێرشی توندی كردە سەر(میشال عەون)ی سەرۆكی وڵاتەكەی .

ئەلیسا لە نامەیەكیدا لە تویتەر زۆر بەتوندی هێرشی كردە سەر سەرۆكی لوبنان و دەڵێت: ئاژەڵ لە تۆ هەستی زیاتری هەیە.. بۆ ئەمجارە خودا لوبنان بپارێزێ نەك تەنها بەیروت..خوای گەورە لێت خۆش نەبێت مشال عەون .

ئەم توڕە بوونەی ئەلیسا شتێكی چاوەڕوان نەكراو نەبوو لە چەند ڕۆژی ڕابردوو لە ڕێی پەیوەندییەكی تەلەفۆنییەوە لە میدیایەكی عەرەبی دەستی كرد بە گریان و ئەم ڕووداوەی بەیروتی بە هیرۆشیمای دووی وەسف كرد, ئەلیسا هەر سەرەتای خۆپیشاندان و ناڕەزاییەكانی لوبنانەوە یەكێك بووە لەو هونەرمەندانەی كە هەمیشە پاڵپشتی لە مافی هاوڵاتیانی ئەو وڵاتە دەكرد, تەنانەت خۆیشی وەكو هاوڵاتییەكی لوبنانی ڕاستەوخۆ بەشداری لە دەنگی شەقام كرد .