میل گیبسۆن چاكبوونەوەی لە پەتای كۆرۆنا ڕاگەیاند
لە ڕۆژنامەو ماڵپەڕە جیهانییەكانەوە هاتووە كە میل گیبسۆنی پاڵەوانی فیلمی(edge of darkness), قۆناغی تووشبوونی بە پەتای كۆرۆنا تێپەڕاند, بەپێی ئەو ڕاپۆرتانەی كە بڵاوكراونەتەوە ئەم ناودارە ماوەی هەفتەیەك لە یەكێك لە نەخۆشخانەكانی ئەمریكا چارەسەرییە تەندرووستییەكانی وەردەگرت .
لەم بارەیەوە یاریدەدەری كارەكانی ئەم ناودارە لە لێدوانێكیدا بۆ ڕۆژنامەیەك ڕایگەیاند كە میل گیبسۆن مانگی نیسانی ڕابردوو تووشی كۆرۆنا بوو, هەروەها ئەوەشی ڕاگەیاند كە ئەم ناودارە ماوەی هەفتەیەك لە نەخۆشخانە مایەوەو پزیشكان بە پێكوتەی(Remdesivir) توانیان چارەسەری بكەن كە ئەم دەرمانەش بۆ چارەسەری چەند نەخۆشییەك بەكاردەهێنرێت لەوانەش ئیبۆلا .
