خانمە ئەكتەرو ئەستێرەی دیاری بۆڵیوود (ئیشواریا ڕای) و كچەكەی تووشی پەتای كۆرۆنا بوون .

ڕۆژێك دوای تووشبوونی هەریەك لە ئەستێرەی سینەمایی هیندی (ئەمیتاب باچان) و (ئەبهیشك باچان)ی كوڕی, پشكنینە پزیشكییەكان دەریخست كە ئیشواریا ڕای هاوژینی ئەبهشیك لەگەڵ كچە هەشت ساڵانەكەی تووشی پەتای كۆرۆنا بوونە, لەم بارەیەوە وەزیری تەندرووستی راجیش توپ لە هەرێمی ماهاراشترا لە تویتێكدا هەواڵی تووشبوونی هەریەك لە ئیشواریا ڕای و كچەكەی ڕاگەیاند .

بەپێی ئەوەی كە تاوەكو ئێستا لە ماڵپەڕە جیهانییەكانەوە هاتووە نیشانەكانی ئەم پەتایە لە ئەمیتاب باچان و كوڕەكەی بە سووكی دەركەوتووە و باری تەندرووستییان جێگیرە, بەڵام دەگووترێ كە ئیشواریاو كچەكەی هێشتا نەچوونەتە نەخۆشخانە .