ئەستێرەی نێوداری بۆڵیوود و جیهان، ئەمیتاب باچان تووشبوونی خۆی بە کۆرۆنا راگەیاند.

لە توویتێکدا ئەمیتاب ڕۆژی (شەممە، 11-7-2020) ئاشکرای کرد، تووشی کۆرۆنا بووە و گەیەنراوەتە نەخۆشخانە.

تەنیا ئەمیتاب لە خێزانەکەی تووشی کۆرۆنا نەبووە، بەڵکو ئەبیشیک باچانی کوڕیشی دوای ماوەیەک لە توویتەکەی باوکی، ئاشکرای کرد ئەویش لەگەڵ باوکی پشکنینی کۆرۆنای کردووە و ئەنجامەکەی ئەرێنی دەرچووە.

ئەبیشیک دەڵێ خۆی و باوکی نیشانەی سووکیان هەیە. هەردوو ئەستێرەی دیاری بۆڵیوود دەڵێن پشکنین بۆ کەسوکار و ئەوکەسانەش دەکرێت کە کاریان لەگەڵدا کردوون.

راستەوخۆ دوای بڵاوبوونەوەی هەواڵەکە، زۆربەی هونەرمەندان و سیاسییەکانی هیندستان هاوسۆزیی خۆیان بۆ هەردوو ئەستێرەی بۆڵیوود دەربڕی.

ئەمیتاب باچان تەمەنی 77 ساڵە و لە حەفتایەکانی سەدەی رابردووەوە دەستی بە کاری هونەری کردووە، یەکێکە لە نێودارترین ئەستێرەکانی بۆڵیوود و خاوەنی چەندین خەڵاتی سینەماییە.

k24