كۆرۆنا فیلمێكی دیكەی لە وێنەگرتن وەستاند
ئەندامێك لە كۆمپانیای بەرهەمهێنەری ئەم فیلمە سینەماییە ڕایگەیاند كە ئەمە شتێكی چاوەڕوان نەكراوبوو و بە ملیۆنەها جونەیهـ لەبەردەستەو كەس لەگەڵ ئەوەدا نییە ئەم كارە سینەماییە بۆ ماوەیەكی زۆر دوابخرێت .
لە چەند ڕۆژی ڕابردوو دەرهێنەر (كۆلین تریڤۆرۆو)ی تەمەن 43 ساڵ, ڕایگەیاند كە ئەم كارە سینەماییە تەحەدایەكی گەورەیەو پەیوەندی بە ژیانی ستافی ئەم فیلمەوە هەیە, هەروەها ئاماژەی بەوەدا كە پێشتر لە نێو ستۆدیۆكانیانەوە چەند بەشێكیان وێنەگرتووە كە تایبەت بووە بە دیمەنی دەیناسوڕەكان, هەروها كۆلین تریڤۆرۆو ئاماژەی بەوەدا كە ئەم كارەی ئەوان دەیكەن زۆر سەختەو بە ڕەچاوكردنی مەرجە تەندرووستییەكان و خۆپارێزیان لە پەتای كۆرۆنا كارەكانیان ئەنجام دەدەن, وە گوتی: درووستكردنی ئەم بەشە بەجۆرێك سەختە بونیادنانی شوێنێكی سینەمایی لە نێو پابەندبوون بە مەرجە تەندرووستییەكانەوە دەبێت..وە لەگەڵ دەستپێكردنی كاری وێنەگرتن دەبێ جیهانی ڕاستەقینە لەبیر بكرێت و لە جیهانی فیلمدا بژیین .
بڕیار وایە فیلمی(jurassic world: dominion) لە ساڵی داهاتوو نمایش بكرێت, هەروەها ئەم فیلمە دەبێتە بەشی شەشەم لە زنجیرە فیلمی(jurassic park) كە ساڵی 1993 بەرهەم هات كە دەرهێنەری دیاری هۆڵیوود ستیڤن سپیڵبرگ كاری لەسەر كرد, لەم بەشە نوێیە هەریەك لە سام نیل-لۆرا دیرن-برەیس دالاس هوارد- جیف گۆڵدبلوم-كریس پرات تێیدا بەشدارن .
