گروپی "بلاك پینك"ی كۆریای باشوور لە تۆماركردنی ژمارە پێوانەییەكان بەردەوامن .

گروپی گۆرانی (black pink) كەلە چوار كچ پێكهاتوون دوای بڵاوكردنەوەی بەرهەمێكی گۆرانی لەژێر ناونیشانی (how you like that) لە تۆڕی كۆمەڵایەتی یوتیوب, ئەم گۆرانییە توانی سەركەوتنێكی باش تۆمار بكات و تەنها لە ماوەی 24 كاتژمێردا 100 ملیۆن بینەری هەبووە كە ئەمەش وایكرد بەپێش گروپی گۆرانی (BTS)ی كۆریای باشوور بكەوێت .

ئەم ڤیدیۆ كلیپەی بلاك پینك كەلە 26/6/2020 بڵاوكرایەوە دوای تەنها 3 ڕۆژ لە بڵاوكردنەوەی لە یوتیوب ئێستا بینەری بەردەوام لە زیاد بوونەو بەرەو 140 ملیۆن نزیك دەبێتەوە .

لەلایەكی تریشەوە گروپی بلاك پینك بەهاوبەشی لەگەڵ خانمە ئەستێرەی ئەمریكی (لەیدی گاگا) بەرهەمێكی گۆرانیان بەناوی(sour candy) بە شێوەی دوێت بڵاوكردەوە كە ئەم گۆرانییە تراكێكە لە ئەلبۆمی(chromatica) كە لەیدی گاگا بەم دواییە بڵاویكردەوە .