هونه‌رمه‌ند عه‌تا چاوشین به نه‌خۆشی كۆرۆنا گیانی له ده‌ستدا
هونه‌رمه‌ند عەتا چاوشین لە نەخۆشخانەی شەهید ئاسۆ گیانی سپاردووە، ئەمەش دوای تووشبوونی بە ڤایرۆسی کۆرۆنا و تێکچوونی تەندروستی.
عەتا چاوشین لەدایکبووی شاری سلێمانییە، ماوەیەک لە رۆژهەڵاتی کوردستان ژیاوە و ماڵی لە سەقز بووە، لە ساڵانی 80ی سەدەی رابردوودا دەستی بە کاری هونەری کردووە، زیاتر لە ٣٥ ساڵە بەردەوامە و چەندین بەرهەمی گۆرانیی هەیە، یەکەم گۆرانی کە پێی ناسرا گۆرانیی هۆ غەریب مەڕۆ بوو، جگە لە بەستە و مەقام، بەندبێژێکی باشیش بوو و لەگەڵ گۆرانیبێژ و بەندبێژ (میدیا حسێن) هاوڕێیەتییەکی نزیکیان هەیە. لەگەڵ ژەنیاری شمشاڵ (قالە مەڕە)، دانیشتنیان هەیە و بۆ یادگاری تۆماریان کردووە.
ktv
