دوای تێپەڕ بوونی نزیكەی 23 ساڵ بەسەر كۆچی دوایی (دایانا)ی شاژنی بەریتانیا, لە ئێستادا لە ماڵپەڕە جیهانییەكانەوە هاتووە كە فیلمێك دەربارەی ژیانی ئەم كەسایەتییە جیهانییە درووست دەكرێت .

ئەم فیلمە كە تایبەتە بە ژیانی دایانا, هەروەكو بڵاوكراوەتەوە كە ناونیشانی(spencer) دەبێت و پاپلۆ لارین كاری دەرهێنانی بۆ ئەنجام دەدات و نووسەرو سینارێستی بەریتانی (ستیڤن نایت) سیناریۆی ئەم فیلمە ئامادە دەكات, هەروەها ئەوەی كە زیاتر باسی لێوە دەكرێت ئەوەیە كە ئەستێرەی هۆڵیوود (كریستین ستیوارت)ی تەمەن 30 ساڵ, ڕۆڵی شاژن دایانا دەبینێت .

بە پێی ئەوەی بڵاوكراوەتەوە..ئەم فیلمە لە ساڵی 2021 دەست بە كاری وێنەگرتنی دەكرێت, وە ڕووداوەكانی باس لە ساڵانی نەوەدەكان دەكات كاتێك دایانا دەبینێ كە خەریكە ژیانی هاوسەریی ڕووبەڕووی هەڵوەشانەوە دەبێتەوەو نزیك بووەتە لە شكست هێنان .