سیریل فه‌تاح كلیپى (بابه گیان) بڵاو ده‌كاته‌وه
هه‌ڵكه‌وت زاهیر، ئاوازدانه‌ری كورد، له هه‌ژماری تایبه‌تیی خۆی، له تۆڕی كۆمه‌ڵایه‌تیی (ئینستاگرام) به‌شێك له ڤیدیۆ كلیپه‌كه‌ی بڵاو كردووه‌ته‌وه و ئاماژه‌ی به‌وه كردووه كه دكتۆر فه‌ره‌یدوون عه‌بدول به‌رزنجی تێكستی گۆرانییه‌كه‌ی نووسیوه، هه‌ڵكه‌وت زاهیر ئاوازی بۆ ئاماده كردووه، نه‌به‌رد و سیریل كاری ده‌رهێنانیان بۆ ڤیدیۆ كلیپه‌كه كردووه، كلیپه‌كه له چه‌ند ڕۆژی داهاتوودا له تۆڕه كۆمه‌ڵایه‌تییه‌كاندا بڵاو ده‌بێته‌وه.
سیریل فه‌تاح خاوه‌نی چه‌ندین گۆرانی و ڤیدیۆ كلیپه، له‌گه‌ڵ خێزانه‌كه‌ی له ئه‌ورووپا ده‌ژین، له‌گه‌ڵ هاوسه‌ره‌كه‌ی به‌یه‌كه‌وه كاری هونه‌ری بڵاو ده‌كه‌نه‌وه.
