ئەكتەری دیاری بۆڵیوود(سوشانت سینغ راجپوت) لە ماڵەكەی خۆیدا لە شاری (مۆمبای)ی وڵاتی هیندستان كۆتایی بە ژیانی خۆی هێنا, بەپێی ڵێكۆڵینەوەكانی پۆلیسی شاری مۆمبای و ئەو ڕاپۆرتانەی كە لەماڵپەڕە جیهانییەكانەوە بڵاوكراوەتەوە سوشانت راجپوت لە ماڵەكەی خۆی لە تەمەنی 34 ساڵیدا خۆی هەڵواسیوەو كۆتایی بە ژیانی خۆی هێناوە .

"سوشانت راجپوت"ی پاڵەوانی فیلمی(kedarnath), یەكەم دەركەوتنی دەگەڕێتەوە بۆ ساڵی 2013 كە ئەوكات بەشداری كرد لە فیلمی (Kai Po Che) كە ئەهشیك كاپوور كاری دەرهێنانی بۆ ئەم فیلمە ئەنجامدا, وە لە دواییدا توانی لە چەندین فیلمی سەركەوتوو زنجيرە درامادا بەشدار بێت .

شایەنی باسە..لە ڕۆژنامەكانی ئەو وڵاتەوە بڵاوكراوەتەوە كە سوشانت راجپوت لە چەند ڕۆژی ڕابردوو باری دەروونی ناجێگیربوو وە ئەوەش بڵاوكراوەتەوە كە سوشانت لە چەند هەفتەی ڕابردوو لە هەژماری تایبەتی خۆی لە ئەنستگرام, وێنەیەكی خۆی و دایكە كۆچكردووەكەی بڵاوكردەوەو لەسەر وێنەكە نووسیبووی (فرمێسكەكانی ڕابردوو بە هەڵم نابن و خەونەكانیش كۆتاییان نییە ئێمە كەوانێكین لە زەردەخەنە.. وە ژیان دەڕوات..) .