ئەكتەرو ئەستێرەی دیاری بۆڵیوود(چیرانجیڤی سارجا) لە تەمەنی 39 ساڵیدا كۆچی دوایی كرد, ئەم ناودارە ماوەیەك پێش ئێستا بەهۆی ئازار و هەناسەتەنگییەوە دەچێتە نەخۆشخانەو بۆ ماوەیەك تێیدا چارەسەریی پزیشكی بۆ ئەنجام دەدرێت, بەڵام دواجار لەلایەن پزیشكانەوە كۆچی دوایی ئەم هونەرمەندە بە هۆی جەڵتەی دڵەوە ڕاگەیەندرا .

چیرانجیڤی سارجا كە بەشداری زیاد لە 20 فیلمی سینەمایی كردووە, دەكاتە برای دروڤا سارجا, وە كوڕی برای هونەرمەندو دەرهێنەر ئارجون سارجا و نەوەی ئەكتەری بەئەزموونی هیندستان شاكتی پراساد, چیرانجیڤی توانی بۆ ماوەی 4 ساڵ لەگەڵ مامی وەكو یاریدەدەری دەرهێنەر كار بكات, وە لە ساڵی 2018 لەگەڵ خانمە ئەكتەر مێگانا راج ژیانی هاوسەری پێكهێنا .