گۆڤاری فۆربس نازناوی ملیاردێر وەردەگرێتەوە لە (كایلی جێنەر)ی خانمە نمایشكارو خاوەن كۆمپانیای تایبەت بە ماكیاژو جوانكاری خانمان .

لە ڕاگەیەندراوێكدا كەلە گۆڤاری فۆربس بڵاوكرایەوە, ناوی كایلی جێنەری تەمەن 22 ساڵ لە لیستی خانمە ملیاردێرەكانی جیهان وەكو دەوڵەمەندترین كەس لادرا, ئەمەش دوای ئەوە هات كە ئەم گۆڤارە خێزانی جێنەری بەوە تۆمەتباركرد كە ئەوان قەبارەی سامان و كۆمپانیاكەیان بە شێوەیەكی گەورە نیشانداوە بەڵام لە ڕاستیدا بەو شێوەیە نەبووە .

بەم هۆیەوە كایلی جێنەر لە تویتێكدا وەڵامی فۆربس دەداتەوەو ئاماژە بەوە دەدات كە ئەو ڕاپۆرتە لەسەر زانیارییەكی نادرووست و هەڵسەنگاندنێكی بێ بەڵگە داڕێژراوە, هەروەها دەڵێت كە ئەو بە درێژای ئەم ڕێگایەی لە بزنسدا هیچ كات داوای نازناوی نەكردووەو تەنانەت هەوڵی درۆكردنیشی نەداوە .

بەم پێیە.. نازناوی بچووكترین ملیاردێری جیهان بۆ ساڵی 2019 لە كایلی جێنەر وەرگیرایەوە كە پێشتر هەر گۆڤاری فۆربس پێی بەخشیبوو, وە لەلایەن فۆربسەوە هاتووە كە كایلی جینەر توانیویەتی 340 ملیۆن دۆلار لەڕێی كۆمپانیاكەیەوە كۆبكاتەوە وە تێكرای سەروەتەكەی زۆر كەمترە لە 900 ملیۆن دۆلار .